شعر عبدالرضا مفتوحی به زبان لاری/2
تاریخ انتشار : 20 شهريور 1394 ساعت 14:40:43 | تعداد بازدید: 5877
دو سه سال اِسّی اَبوُشِم تَپَتورِم چُنِ تو
اَمَچی فاشه اَبینِم ولی کورِم چُنِ تو
نَمَک وسَندُلُس وچَش تِرَکومو بَدَلی
اَثَراُشنی و اَسیرِ چَشِ شورِم چُنِ تو
اَتِکِ کوچِنِ تاریک اَبِم زَهرَتِراک
بَرَساتی مْبا وَلی اَز دُمِ نورِم چُنِ تو
مَ خُنَی که دِلِ خَش شَیبومَگُم واکِرده
حالا اَز قومِ نَزیکِ خُم اَدورِم چُنِ تو
مَ چُنِ مَینِ مُتو عاقِبَتُم بَدبَختی
که وَجَی آو اَتِکِ پِنجَی ِ تورِم چُنِ تو
چه دِلُم خَش چِقَدَ سُفرَه پُرو پَیمون اَند
حالا مَ راضی وَ تِکَّی بُتُنورِم چُنِ تو
شُو و روزُم بُده تِکراری و بیخود دُوِدَ
آخِرُش راحَت اَتِ یَک کَپه گورِم چُنِ تو
(عبدالرضامفتوحي)